Xaafada Maana Booliyo oo uu dagaalka u durqay iyo Maxamed Dhere oo hogaaminaaya “Xog Culus”
Dagaalo xoogan ayaa maanta ka soconaaya magaaladda caasimadda ah ee Muqdisho, iyadoo uu dagaalkani ahaa mid ay soo dhoo-dhoobeysay dowladda, isla-markaana wuxuu saaka ka qarxay degmada Boondheere ee magaaladda Muqdisho.
Dagaalkaan oo aan waxba leesku reeban ayaa wuxuu u durqay dhanka xaafadda Maana Booliyo, iyadoo uu hogaaminaayo gudooyimihii hore ee gobolka Banaadir Maxamed Cumar Xabeeb “Maxamed Dheere” isagoo la-sheegay inuu u soo tafa-xeetay bad baadinta dowladda kmg ee Somaliya.
Maxamed Dheere oo nin dagaal ah ayaa maanta si wanaagsan u kala hagaayay ciidamada dowladda, waxaana la-sheegay in dagaaladaan ay xoogoodu u durqeyn xaafadda Maana Booliyo, halkaa oo in dhawaanba la ciir ciireysay cidlo xoogan, kadib markii dad iyo duunyaba ay iskaga barakaceyn.
Dagaaladaan oo aan waxba leesku reeban ayaa waxay maanta ruxeyn qeybaha kala duwan ee magaaladda Muqdisho, iyadoo sawaxanka iyo hugunka madaaafiicda cul culus laga maqlaayay guud ahaan caasimadda Somaliya ee Muqdisho.
Wariya-yaasha shabakadda dhacdo.com oo ku sugan degmada Shingaani ee magaaladda Muqdisho ayaa fooda gelin waayay degmooyinka Shibis iyo Boondheere, bacdamaa ay halkaasi ka soconaayaan dhaq dhaqaaqyo kala duwan oo u dhaxeeya kooxaha ay dhiilaha colaadeed u dhaxeyso, hase yeeshee wariya-yaasha ayaa xiriiro kala duwan la-sameeyay shacabka fara ku tiriska ah ee ku haray xaafadda Maana Booliyo, waxayna sheegeyn inay halkaasi isku mari waayeen, kooxaha ay dirirtu u dhaxeyso, bacdamaa ay Xarakada Al shabaab halkaasi ka qoday Boholo waaweyn ah, halkaa oo ay dhufeysyo culus kaga jiraan.
Si kastaba ha’ahaatee dagaaladaan ayaa waxay geysteyn qasaaro xoogan oo soo gaaray shacabka ku sugan magaaladda Muqdisho, sidoo kale waxaa jira qasaaro xoogan oo soo kala gaaray kooxihii ay dirirtu u dhaxeysay, hase ahaatee lama ogaan karo qasaaraha dhabta ah ee soo kala gaaray, bacdamaa ay sameysteyn cisbitaalo u gaar ah.
Nagala Soo Xiriir dhacdo@hotmail.com ama dhacdo@gmail.com
Nagala Soo Xiriir dhacdo@hotmail.com ama dhacdo@gmail.com
14,901,614 unique visits
