Machadka ELIT Language Centre, wuxuu ku yaallaa caasimadda dalka Malaysia ee Kuala Lumpur, waana machadkii ugu horeeyay oo ay dalka Malaysia ka furaan ganacsato Soomaaliyeed, taaso guul balaaran u noqoneysa shacab-weynaha Soomaaliyeed, meel kasta oo ay caalamka kaga nool yihiin.
Machadkaan ayaa wuxuu aqoonsi caalami ah ka heystaa dowladda Malaysia, iyadoo dalka Malaysia ay kamid tahay 10 Dal ee Qaaradda Asia ugu waxbarashada wanaagsan, misana ay aad u jacel yihiin wadamada caalamku.
Machadka caalamiga ah ee ELIT Language Centre ayaa wuxuu bixiyaa oo kaliya luqada ingiriiska, iyadoo ardayda muddo 5 ilaa 8 bilood lagu bari doono luqada Ingiriiska, waxaana Macalimiinta wax ka dhiga Machadka ay dhamaantood u wada dhasheen wadamada asalka u leh luuqada ingiriiska sida Australia, Maraykanka iyo Ingiriiska, waxayna isla mar ahaantaas macalimiintani takhasusaad u leeyihiin barida luuqada Ingriiska.
Sidoo kale ELIT ayaa wuxuu ardayda aan ku wanaagsaneyn luqada Ingiriiska diyaar ula yabay, inuu kasoo dhiso asaaska hoose ee luqada Ingriiska, iyadoo muddo gaaban gudaheed uu machadkani kugu bari doono luqada Ingriiska, sidoo kale shahaadooyinka uu bixiyo machadkani ayaa waxay aqoonsi caalami ah ka haystaan wasaaradda waxbarashada ee dalka Malaysia.
Wuxuu kaloo machadkaani diyaar ula yahay ardayda Soomaaliyeed meel kastoo ay uga sugan yihiin caalamka, inuu fiiso ugu diro, kuwaasoo ku imaan kara gudaha dalka Malaysia, deetana muddo gaaban gudaheed ayay ardaydu ku bilaabi doonaan barashada luqada Ingiriiska.
Haddii uu ardaygu ku sugan yahay wadan ka baxsan dalka Malaysia, ayaa sharuudaha laga doonaayo waxaa laga xusi karaa, Basaboorka oo copy ah 2 jeer, shahaadada dugsiga sare oo copy ah iyo 8 xabo oo sawiro teesaro ah.
Si kastaba ha’ahaatee ardayda waxbarashada u joogta machadka ELIT Language Center, ayaa waxay u dhasheen wadamada kala ah, Russia, Iran, Saudi Arabia, Somalia, Elitrea, Libya, Oman, Jabuti, Uzbakistan, Thailand, North Korea, Qatar, Yemen, Chad iyo Vietnam.
Daawo Sawirada
Xasan Cadde
Tafaftiraha Dhacdo.com
laacib143@hotmail.com
Wixii macluumaad intaas dheer kala xiriir Mudane Maxamed Suubiye 0060173104037 E-mail: msuubiye@hotmail.com
|
14,827,990 unique visits
