Jaamacadda Caalamiga ah ee Horseed oo si weyn uga soo shaac baxday magaaladda Muqdisho “Daawo Sawirada”
Jaamacadda Caalamiga ah ee Horseed “Horseed International University” oo sanadkaan ku soo biirtay Jaamacadaha ka dhisan magaaladda Muqdisho, ayaa waxay noqotay mid si weyn u soo jiidatay indhaha shacabka Somaliyeed.
Jaamacadda Caalamiga ah ee Horseed, ayaa waxaa magaaladda Muqdisho xariga looga jaray bishii Luulyo ee sanadkii 2011-ka, waxaana Jaamacadda ka hawl-galla macalimiin khibrad u leh tabinta casharada ay siinayaan ardayda.
Jaamacadda oo ku taalla Isgoyska Zoope ee magaaladda Muqdisho, ayaa waxay noqotay mid ay ishu ku hayaan dhalinyarada Somaliyeed ee waxbarashadu u ciilka qabta, waxaana weeye Jaamacadda Horseed mid xiriiro la-leh Jaamacadaha caalamka qaarkood.
Kulliyadaha ay bixiso Jaamacadda Caalamiga ah ee Horseed, ayaa waxaa laga xusi karaa:-
Fucalty of Business
Facult of Information Technology
Faculty of Nursing
Faculty of Veterinary iyo kulliyado kale oo u wanaagsan ardayda Somaliyeed ee dooneysa inay hiigsadaan nolosha caalamka.
Jaamacadda Horseed ayaa waxay xiriir wanaagsan ay la-leedahay Hay’adda WAMY, oo ah hay’ad ay lee-dahay Dowladda Boqortooyada ee Sacuudi Carabiya, isla-markaana waxay ka hawl-gashaa in ka badan 52 wadamo.
Sidoo kale Jaamacaddu waxay xiriiro kale ay la-leedahay wadamada Malaysia iyo Turkiga, iyadoo ardayda ka baxda Jaamacadaan ay si toos ah waxbarasho uga billaabi karayaan wadamada Malaysia, Turkiga iyo wadamada kale ee ay ka hawl-gasho Hay’adda WAMY.
Jaamacadda Caalamiga ah ee Horseed, ayaa waxaa iminka dhigata in ka badan shan boqol “5,00” oo arday, iyadoo ay xilligaan jiraan arday fara-badan oo iska diiwaan gellineysa Jaamacadaan, waxayna noqotay mid soo jiidatay dareenka ardayda iyo waalidiinta Somaliyeed.
14,453,066 unique visits
